colourbox.com colourbox.com
kvalitet i den offentlige kulturdebatten.
»
Ingen helseminister eller samferdsleminister
ville sagt noko slikt.
Tvert om, dei veit at pengar er ein
nødvendig, men ikkje tilstrekkeleg,
føresetnad for kvalitet. Og kvalitet
i kulturlivet er like naudsynt som
på alle andre viktige områder i
samfunnet. Det burde, om ikkje
anna, ein kulturminister forstå.
I den raudgrøne regjeringstida
vann kulturlivet budsjettkampen.
Men kva i kulturlivet vann, og kva
tapte? Under jubileet nyleg sa
eg at det i for stor grad vart eit
kulturløft frå toppen, og ikkje frå
botn. Dei store institusjonane fekk
eit naudsynt løft, som òg ga ringverkingar
til heile kultursektoren.
Men den kulturelle grunnmuren
vart ikkje styrka, og har framleis
store sprekkar.
Difor meiner eg at ei ny kulturpolitisk
satsing må starte frå botn.
Heller enn nye kulturhus eller meir
pengar til institusjonane, må den
styrke og byggje den kulturelle
grunnmuren. Biblioteka og kulturskulane
er dei lovpålagde kulturtilboda
i Noreg, og skal vere
tilgjengelege for alle innbyggjarar –
over heile landet. Skal vi, slik vi
foreslår til Grunnlova, sikre
kulturell deltaking for alle, er det
her vi må starte. Dei neste åra vil
SV prioritere eit nasjonalt bibliotekløft
og fleire plassar i kulturskulen
til ein overkommeleg pris.
Saman med ei slik satsing på den
kulturelle grunnmuren, vil SV
prioritere å verdsette kunstnaranes
arbeid betre. Ikkje med ord, men
med løn, vederlag, honorar og
arbeidsstipend. Det er diverre svært
langt att før profesjonelle kunstnarar
er i nærleiken av den tryggleiken
dei fleste andre yrkesgrupper i
Noreg har i sin kvardag. Og det er
enda lenger att før myten om den
fattige, geniale kunstnaren er knust.
Det er altså ikkje slik at ein kunstnar
vert mindre skapande av ei
sikker inntekt. Tvert om.
Eg vonar fagrørsla vil vere med
SV i denne kampen. På same måte
som vi kjempar mot sosial dumping
i heile arbeidslivet, må vi kjempe
mot utøvardumping i kulturarbeidslivet.
Det er jo ikkje slik at kunstnarane
står for krydder i kvardagen
vår. Det er dei som gjer oss kunsten
som gir sjølve livet meining.
GRUNNMUR:
Bibliotek og kulturskulane
er lovpålagde
kulturtilboda i
Noreg, og skal vere
tilgjengelege for alle
innbyggjarar – over
heile landet.
Fagbladet 5/2014 < 37
fbaargang2014 fbseksjonKIR